il faut, si elle n’est empeschée, et moyennant que ses
instrumens soient bien disposés : dont a esté bien et
vrayement dict par les sages, que nature est sage,
sçavante, industrieuse, suffisante maistresse, qui rend
habile à toutes choses, insita sunt nobis omnium artium ac viriutum semina, magisterque ex occuto
Deus producit ingenia
[1] :
ce qui est aisé à monstrer par induction :
la vegetative sans instruction forme le corps en
la matrice tant excellemment, puis le nourrit et le
faict croistre, attirant la viande, la retenant et
cuisant, puis remettant les excremens, elle engendre et
refaict les parties qui defaillent, ce sont choses qui se
voyent aux plantes, bestes, et en l’homme. La sensitive
de soy sans instruction faict, aux bestes, et en
l’homme remuer les pieds, les mains, et autres membres,
les gratter, frotter, secouer, demener les levres,
tetter, plorer, rire : la raisonnable de mesme, non
selon l’opinion de Platon, par reminiscence de ce
qu’elle sçavoit avant entrer au corps ; ny selon Aristote, par reception et acquisition, venant de dehors
par les sens, estant de soy une carte blanche et vuide,
combien qu’elle s’en sert fort, mais de soy sans instruction, imagine, entend, retient, raisonne, discourt. Mais pour ce que cecy semble plus difficile de
la raisonnable que des autres, et heurte aucunement
- ↑ « Les semences de tous les arts et de toutes les vertus sont en nous ; mais c’est Dieu qui, en secret, produit les talens ».