vertus : s’il est ennemy ou particulier, ou de party
contraire, il n’y a rien de bon. Tellement
que nous faisons honte à nostre jugement,
pour assouvir nos passions. Mais cecy va bien
encore plus loin ; car la pluspart des impietés,
heresies, erreurs en la creance et religion, si
nous y regardons bien, est née de la mauvaise
et corrompue volonté, d’une passion violente et
volupté, qui puis attire à soy l’entendement
mesme, sedit populus manducare et bibere, etc...
Quod volt, non quod est, credit qui cupit errare
[1] : tellement que ce qui se faisoit au commencement
avec quelque scrupule et doubte, a
esté puis tenu et maintenu pour une verité et
revelation du ciel : ce qui estoit seulement en
la sensualité a prins place au plus haut de
l’entendement : ce qui n’estoit que passion et
volupté a esté faict creance religieuse et article
de foy, tant est forte et dangereuse la contagion
des facultés de l’ame entre elles. Voylà trois
causes externes des fautes et mescomptes de
l’esprit, jugement et entendement humain ; le
corps, mesmement la teste malade, ou blessée,
ou mal faicte : le monde avec ses opinions
anticipées et suppositions ; le mauvais
estat des autres facultez de l’ame raisonnable,
qui luy sont toutes inferieures. Les premiers
defaillans sont pitoyables, et aucuns d’iceux
sont curables :
- ↑ « Le peuple cesse de boire et de manger, etc. Celui qui veut errer, croit ce qu'il souhaite et non ce qui est ».