iniquitas irae, quasi argumentum sit justè irascendi
graviter irasci
[1].
L’exemple de Piso sur ce propos est bien notable,
lequel, excellent d’ailleurs en vertu
(cette histoire est assez cogneue), meu de cholere,
en fist mourir trois injustement, et, par
une trop subtile accusation, les rendist coulpables
pour en avoir trouvé un innocent contre
sa première sentence. Elle s’esguise aussi
par le silence et la froideur, par où l’on pense
estre desdaigné, et soy et sa cholere ; ce qui
est propre aux femmes, lesquelles souvent se
courroucent, affin que l’on se contre-courrouce,
et redoublent leur cholere jusqu’à la
rage, quand elles voyent que l’on ne daigne
nourrir leur courroux : ainsi se monstre bien
la cholere estre beste sauvage, puis que, ny
par defense ou excuse, ny par non defense
et silence, elle ne se laisse gaigner ny addoucir.
Son injustice est aussi en ce qu’elle veust
estre juge et partie, qu’elle veust que tous
soient de son party, et s’en prend à tous
ceux qui ne luy adherent. Secondement,
pource qu’elle est inconsiderée et estourdie,
elle nous jette et precipite en de grands maux,
et souvent en ceux mesmes que nous fuyons
ou procurons à autruy, dat pœnas dum exigit
[2]
, ou autres
Page:Charron - De la sagesse, trois livres, tome I, 1827.djvu/235
Apparence
Cette page n’a pas encore été corrigée
179
LIVRE I, CHAPITRE XXVI.