estage ressemblent à l’ether et plus haute
region voisine du ciel, sereine, claire, nette et
paisible. Ceste difference d’hommes vient en
partie du naturel, de la premiere composition
et temperament du cerveau, qui est fort
different, humide, chaud, sec, et par plusieurs
degrés ; dont les esprits et jugemens
sont ou fort solides, courageux, ou foibles,
craintifs, plats : en partie de l’instruction et
discipline ; aussi de l’experience et hantise du
monde
[1]
, qui sert fort à se desniaiser et mettre
son esprit hors de page. Au reste il se trouve
de toutes ces trois sortes de gens, soubs toute
robe, forme et condition, et des bons et des
mauvais, mais bien diversement.
L’on faict encore une autre distinction d’esprits et suffisances ; car les uns se font voye eux-mesmes et ouverture, se conduisent seuls. Ceux-cy sont heureux de la plus haute taille, et bien rares ; les autres ont besoin d’aide, mais ils sont encore doubles ; car les uns n’ont besoin que d’estre esclairés ; c’est assez qu’il y aye un guide et un flambeau qui marche devant, ils suyvront volontiers et bien aisement. Les autres veulent estre tirés, ont besoin de compulsoire, et que l’on les prenne par la main. Je laisse ceux qui, par grande foiblesse, comme ceux de la plus basse marche, ou par malignité de nature, comme il y en a en la moyenne, qui ne sont bons à suyvre, ny ne se laissent tirer et conduire, gens desesperés.
- ↑ Et fréquentation.