Pierre-le-Puellier, et en ung arbre appellé sceu, près ladicte église Nostre-Dame-l’Ancienne, mist et pendit son écharpe et gibbecière en laquelle estoyent ladicte vraye croix et reliques, et au pied dudict sceu s’endourmit ; et elle esveillée, ainsi que fut le plaisir de Dieu, la branche où elle avoyt pendu ladicte gibbecière se esleva si très hault que ladicte vierge ne pouvoyt avoyr sadicte gibecière.
« Quoy voyant ladicte vierge s’en alla par devers l’évesque dudict Poictiers, lui déclara les choses susdites : lequel, fort joyeux, conseilla ladicte vierge aller par devers le comte de Poictou lui expouser lesdites choses ; ce qu’elle fit…, lequel, fut moult lié et joyeux…, et après par luy et ledict évesque avoir veu et visité et approuvé ladicte vraye croix et relicques, considérant ladicte vierge estre ainsi d’une petite stature, bossée et boytteuse, fort débille et que à peine pouvoyt chemyner, luy donna autant de terre qu’elle pouvoyt circuyer en ung jours… ; icelle vierge commença aller par ladicte terre des Deffends, et par miracle divin la terre où elle passait s’elleva, et fecit aggerem par tous les lieux où elle marchoyt, affin de montrer combien se extandoyt ladicte terre que ledict comte luy auroyt donné affin que débat n’en survinst en temps advenir.
« Et ainsi que ladicte vierge vint à la rivière du Clain, icelle rivière se départit tellement, qu’on pouvoyt aller pied sec.
« Quoy voyant les serviteurs dudict comte qu’il n’estoyt que environ l’heure de midy, le dénoncèrent audict comte, lequel dist à ladicte vierge qu’elle se debvoyt contanter; ce qu’elle lit, et luy confirma ledit don, qu’il lui avoyt fait de ladicte terre. »
Voilà le récit merveilleux. Ce qu’il y a de certain maintenant, c’est que le Fief-le-Comte, qui formait la principale dotation du Chapitre, était réellement borné, d’un côté, par un « chemin herbu appelé, disent des titres anciens, la levée de Sainte-Loubette, » et que cette sainte femme avait donné son nom au cimetière voisin de l’église de Saint-Grégoire, dans lequel on prétendait
