Page:Chrétien de Troyes - Roman de Perceval le Gallois - MS 248.pdf/33

Et un henap dargent selonc
Et vit for un trossel de jonc
Une toaille blanche et nueve
Il la soz lieve et de soz trueve
.iii. bons pastez de chevrel fres
ne li henniua pas cist mes
Por la faim qui forment langoisse
Un despastez devant lui froisse
Si en mania par grant talent
Et verse en la cope dargent
Del vin. qui nestoit mie laiz
Sen but sovent et a grant trez
Et dist pucele cist pastez
Ne seront hui par moi gastez
Venez mangier quil fut moult buen
Assez aura chascuns del suen
Sen remaindra uns toz entiers
Et cele plore. endementiers
Que quil la prie et semont
Conques un mot ne lui respont
Et cil mania tant con lui plot
Et but tant quassez en ot
Et prist congie tot maintenant
Et recouri le remanant
Si demanda adeu celi
Cui ses saluz point nenbeli
Dex vos salt fait il bele amie
Mais por deu ne vos poist il mie
De vostre anel. si ge. lenport
Quincois que je muire demort