Page:Chrétien de Troyes - Roman de Perceval le Gallois - MS 248.pdf/47

Par contenance un bastonet
Apres lui furent dui vaslet
Trestuit desaffuble venu
Cil qui venoit a bien retenu
Ce que sa mere le aprist
Sil salua et se lui dist
Sire ce menseïgna ma mere
Dex te beneie biau frere
Fait li prosdom moult tost sot
Al parler le conut a sot
Et dit biau frere dont viens tu
Dont de la cort le roi Hertu
Qui nouvel cheval. ma fait
Li rois. qui bone aventure ait
Cheval. si deus bien me doint
Ne quidaoie or quen cest point
De tel chose li sovenist
Del cuidoie qui lui tenist
Al roi que de chevals faire
Or me di frere debonaire
Ces armes qui les re bailla
Li rois fait il les me dona
Dona coment et cil li conte
Si con ai lave en conte
Qui altrefoiz le conteroit
Henuiz et oisise seroit
Que nus contes de ce namende
Et li prosdom li redemande
Quil set faire de son cheval
Gel cor bien amont et aval