Et cil qui la nuit veillie orent
Tantost con le jor veoir porent
Es veillierent les endormiz
Ses firent lever de lor liz
Et cil leverent sanz demore
La pucele meisme lore
A son cheval. sen repaire
Sili dist come debonaire
Sire deus vos hui bon jor
Et ge cuit bien que lonc sejor
Ne feroiz vos mie caianz
Del sejorner ne seroit neianz
Vos en iroiz pas ne men poise
Que ne seroie pas cortoise
Sil men pesoit de nule rien
Que point daise ne point de bien
Ne vos avons caienz fait
Et ge pri deu quil vos ait
Appareillie meillor hostel
Ou plus ait pain et vin et sel
Et altre bien que en cestui
Il respont bele ce niert hui
Que ge altre hostel aille querre
Ainz aurai tote vostre terre
En pais mise si jonques puis
Si vostre henemi la hors truis
Pesera moi si plus isiet
Porce que de nient vos griet
Mais si ge loci et conquier
Vostre druerie requier
Page:Chrétien de Troyes - Roman de Perceval le Gallois - MS 248.pdf/71
Cette page n’a pas encore été corrigée
