Page:Chrétien de Troyes - Roman de Perceval le Gallois - MS 248.pdf/92

Delivres et haitiez et sains
Oil tot enseiez certains
Fait clamadeus biaus sire chiers
Come li mieldres chevals
A cui ge monques acointasse
Si me dist que ge parlasse
A la pucele qui li rist
Dont queus si grant honte li fist
C une joéé li dona
Mais il dit quil len vengera
Si deus le pooir len consent
Li fols qui la parole entent
De joie salt et si sescrie
Danz rois si deus me beneie
Ele iert bien vengie la buffe
Si nel tenez mie a truffe
Que le braz brisié en avra
Ja si gard. ne sen savra
Et desloéé ceste chanole
Queus qui entent ceste parole
Le tient a moult grant musardie
Et bien sachiez par coardise
Ne laisse pas quil ne lesfronte
Mais por le roi et por sa honte
Li rois ena crosle le chief
Et dist Ha queus ？ moult mest grief
Quil nest caieanz avoc moi
Par ta fole langue et par toi
Sen ala il dont moult me grieve
A cest mot en estant se lieve