Le texte de cette page a été corrigé et est conforme au fac-similé.
12
LE THRESOR DU SOÑET
II
uide mon cœur, donne moy la science,
O Seigneur Dieu, pour chanter sainctement
Ton haut honneur, que j’adore humblement,
Recognoissant assez mon impuissance.
Je n’ay nul art, grace, ny eloquence,
Pour ton sainct nom entonner dignement
Mais ton clair feu de mon entendement
Escartera les ombres d’ignorance.
Je ne veux point la Muse des payens :
Qu’elle s’en voise aux esprits qui sont siens,
Je suis Chrestienne et bruslant de ta flamme.
Et reclamant ton nom à haute voix,
Je sacrifie à l’ombre de ta croix
Mon tout, mon corps, mes escrits, et mon ame.
