curieux & determiné, pourroit en un seul jour recompenser toutes les pertes qu'il avoit faictes durant l'infortuné cours de sa miserable vie. Aquoy ce pauvre desesperé presta si bien l'oreille, que vaincu de ses douces & mignardes persuasions resolut de l'assister, & ne s'y estoit presque encore du tout accordé que ce secourable eigneur le pria de le suivre. Ce qu'il fit l'espace pour le moins de trois grandes heures, mais d'une telle vistesse qu'il eust peu facillement empoter le pris de la course sur la belle Athalante aussi bien que fit jadis Hypomene, sans avoir (ainsi qu'il eut) recours aux pommes des Hesperides ; & comme (quelque on courage que l'on puisse avoir) la fatigue nous rend aux abbois, aussi luy commençant peu à peu de diminuer de force & d'haleine, ce Commissaire des broüillars mor-
Page:D’Engeville - La conqueste des enfers par l’invincible Gontal, 1609.djvu/11
Apparence