tourbe d'esprits que la rage exorbitante des filles de la nuict, penetroit des-ja de mille mortelles pointes. Ce que ce bon Charon fit avec tant de diligence, que les ayant humainement receus dedans sa vieille barque les poussa en deux coups de rame au port Tenarien, où prenant terre, entrerent dans un pré, dont l'herbe esbloüissoit les yeux de tous ceux qui marchoient dessus, afin que privez de veuë ils ne peussent prevoir les perils que la marastre fortune leur fasoit courre, où nostre faiseur de daguenettes fust infailliblement tombé n'eust esté que son fidelle guide fit d'une verge enchantée je ne sçay quel petit sentier de terre poudreuse, qui (se refermant à leurs tallons) faisoit perdre en mesme temps le tract de leur piste, & n'eurent si tost essuyé des yeux la premiere advenuë de
Page:D’Engeville - La conqueste des enfers par l’invincible Gontal, 1609.djvu/14
Apparence