en ce monde, lequel arrivé ne l'eut si tost consideré en posture fourbisaïque qu'il ne luy demandast s'il avoit point quelque bonne espée. Aquoy il repartit (avec toute l'hmilité qu'il peut tirer des fourneaux de sa courtoisie) que non, qu'une qu'il achevoit pour son nouveau prince & souverain seigneur, mais sur une assez legere difficulté qu'il fit de la luy bailler, il luy deschargea un Vive l'amour sur le masque suffisant, de dementibuller la machoire d'un des enfans d'Iphimidée, se saisissant à mesme temps de ceste dangereuse flamberge, de laquelle (apres l'execution de mille belliqueux exploits), il subjuga les Enfers, qu'il remit pourtant en apres de courtoisie és mains de Pluton aux charges de deux carolus de cens, payables chacun an le premier jour d'Aoust, qu'il retint seulement
Page:D’Engeville - La conqueste des enfers par l’invincible Gontal, 1609.djvu/18
Apparence