En mi chemin de ceste nostre vie
Me retrovai par une selve oscure ;
Car droite voie ore estoit esmarie.
Ah ! ceste selve, dire m’est chose dure
Com ele estoit sauvage et aspre et fors,
Si que mes cuers encor ne s’asseüre !
Tant est amere, que peu est plus la mors :
Mais, por traiter du bien que j’i trovai,
Des autres choses dirai que je vi lors.
Je bien redire ne sai com j’i entrai ;
Tant pleins j’estoie de someil en ce point
Où je guenchi de mon chemin verai.
Mais tost que j’oi le pié d’un tertre joint
Là où estoit fins de ceste valée
Qui de paor m’avoit le cuer compoint,
Gardai en haut le tertre, et afublée
J’en vi l’espaule jà des rais du planete
Par cui chascuns a sa voie adressée.
9. Des autres choses : le mont, les trois bêtes, ses efforts pour gravir le mont, et sa chute dans le bas.
13. D’un tertre : le tertre ou mont est l’opposé de la forêt ou vallée ; puisque la forêt est le symbole de la vie infidèle et vicieuse, le mont sera le symbole de la vie fidèle et vertueuse.
17. Planete : dans le système astronomique de Ptolémée, le soleil était une planète.
