dans la necessité du Temps, à laquelle la generosité mesme, & la noblesse de cœur se doivent accommoder ?
E nous laissons donc point ebloüir,
à la reputation de la Sagesse des
Grecs. Que les Orateurs d’Athenes ne
nous persuadent pas plus les uns que
les autres. Le Païs, l’Antiquité, le Merite
de ceux qui ont failli, au lieu de
justifier les fautes, les rend seulement plus
visibles, & plus remarquables. Une fois
en nostre vie, servons-nous de la liberté
de nostre Jugement, qui ne doit pas tousjours
estre subalterne, de celuy des Grecs,
& des Romains. C’est un sujet de consolation,
pour nostre pauvre Humanité, de
voir qu’il y a eu de l’homme, dans les Heros.
Que cela me fait de bien, me disoit autrefois un excellent Homme, de voir que les Heros ont fuy ; que les sages ont fait des sotises ; que ce grand Orateur s’est
