& dont la moindre partie fust venüe à son Maistre, sera unie & ramassée en ce seul Objet. Son Ame, estant vuide des petits soins, se remplira toute de ceux du Public, &c.
Pres quoy, il ne sera point en peine
de chercher des Langues venales,
& des Plumes mercenaires. Il sera bien
mieux loüé, par la Voix publique, que par
celle des Particuliers. Ce ne seront pas quelques
Orateurs affamez, & mendians ; quelques
Poëtes crottez, & mal vestus, qui
diront du bien de luy : Ce seront des Provinces
entieres, soulagées de Tailles, &
de Subsistances : Ce seront de grandes &
bonnes Villes, conservées dans leurs anciens
Privileges. Les Benedictions, les
Applaudissemens le suyvront par tout. On
l’appellera, en mesme temps, le Port des
Miserables, & l’Escueil des Violents ;
la Consolation du Peuple, & l’effroy des
Estrangers, à cause qu’il les mettra à