miere partie de sa vie avoit esté eclatante. L’Empereur Theodose, à qui il avoit rendu de tres-utiles, & de tres signalez services, le jugea digne de son Alliance, & luy donna en mariage sa niepce Serene, qui estoit sa Fille, par adoption. Il receut depuis, une seconde marque de Grandeur, & eut l’honneur d’estre Beau-pere de l’Empereur Honorius. Mais il luy sembla peu que sa Fille fust Imperatrice, si son Fils estoit cependant Sujet de sa Sœur, & demeuroit personne privée. Le malheur voulut qu’il eut ce Fils, & qu’il aima ce Fils plus que son devoir. Eucherius fut cause que Stilicon mourut Criminel de Leze Majesté, & Ennemi de l’Estat ; quoy qu’auparavant il eust esté Tuteur du Prince, & Protecteur de l’Estat ; quoy qu’il eust desfendu l’un & l’autre, contre les trahisons de Ruffin, & les entreprises des Barbares.
E Prince d’Orange Maurice n’estoit
pas un homme commun, & ses ac-
