Cette page n’a pas encore été corrigée
n' estoit pas de luy ; une force qui appuye la foiblesse, qui anime la lascheté, qui arreste les cheutes de ceux qui se precipitent, qui n' a que faire des bonnes maximes, pour produire les bons succes. Cét homme a duré, pour travailler au dessein de la providence : il pensoit exercer ses passions, et il executoit les arrests du ciel. Avant que de se perdre, il a eu loisir de perdre les peuples et les estats ; de mettre le feu aux quatre coins de la terre ; de gaster le present et l' advenir, par les maux qu' il a faits, et par les exemples qu' il a laissez. Ces exemples sont contagieux, et
