Cette page n’a pas encore été corrigée
' eglise qui triomphe ? Les miserables vivans n' auront-ils aucune communication avecque les morts bienheureux ; avecque les morts qui vivent de la veritable vie, et de la meilleure partie d' eux-mesmes, de celle qui peut soulager les miseres, et consoler les afflictions des vivans, qui languissent plustost qu' ils ne vivent ? Pense-t-on que les saincts de Jesus Christ menent une vie pareille à celle des dieux d' Epicure ; aussi oisive, aussi endormie, aussi paresseuse, aussi negligente des choses du monde ? Est-il à croire que ceux qui ont esté en perpetuelle action, et qui ont
