2 L’OROYSON NOSTRE DAME
Tout mal ci qui adès ne fine
16 De procurer nostrc besoigne,
Devers Dieu priant qu’il n’esloingne
De nous sa grâce pure et fine,
Pour saincte Eglise requérir
20 Ce vueil qu’il te plaise acquérir
Paix et vraie tranquillité,
Et si bon pastour nous quérir
Qui tous nous face a Dieu courir
24 En foy et en humilité.
Ave Maria.
III
Vierge sacrée, pure et ferme,
Si com saint Bernard nous afferme
En son saint sermon de l’Advent,
28 Celle qui en foy nous conferme
Et en purté, et nous defferme
Le ciel, si comme il fu convent,
Je te pri pour tous les prelaz
32 De saincte Eglise que des laz
De l’anemi tu les deffendes,
Curés et prestres, leur solas
Soit en bien faire et jamais las
36 Ne soient, et qu’où ciel les rendes.
Ave Maria.
IV
Onette, pure et entérine,
De toute bonté la racine,
Si com saint Jerosme nous dit,
40 Assise ou plus hault termine
Du ciel par la grâce divine
20 B Te — 21 A¹ vray transquillité — 28 A¹ n. conserve — 36 B N’en — A¹ que ou — B qu’en c.
