Cette page n’a pas encore été corrigée
46 PROUVERBES MOURAULX
5
Pais ou lieu ou justice ne raigne
Ne puet long temps durer, tant soit grant raigne.
6
Impossible est sans foy a créature
Estre plaisant a Dieu, dist TEscripture.
7
Propice au monde et a Dieu acceptable
Estre ne puet homs, s’il n’est charitable.
8
Espérance conduit les faiz humains
Mais ne tient pas ses promesses a mains.
9
En grant estât ne gist mie la gloire
Mais en vertu est double la mémoire.
10
Prince cruel et rapineur d’argent
Je tiens a fol s’il se fie en sa gent.
11
Donner a point, sagement retenir,
Fait en estât le riche homme tenir.
12
Louer autruy, puis blasmer par usage,
D’estre inconstant est signe et petit saige.
9-2 A’ est ou d. m.
