Page:De Saulny - Les Passe-temps lorrains, 1854.pdf/19

Quand lo dich déssambe é èrivé,
J’èvans tortu ètu vouté ;
Maugré lés iméges et lés chansons,
J’évans bèillé po Napoléon.
Ç’oteu lés rauges qué lés èvins fât ;
Is le féyins tojo pèssé po bétâ.
Is deunes béne veur èstour s’i l’o,
Po fare ce qui fat i ne fau me éte sot.
L’on mou taché dé ne dominé,
Mâs jé ne lés èvans me ècouté ;
I folleu lés veur come il ne fliètins,
Po qué je voutinsses po Ledru-Roullin.
L’èvins d’èvance tro calculé,
Qué jé voutrins po zoute cotié.
Is crèyins que lé sahons d’uvére,
N’ampéchereus de treuversé lés téres.
Qué jé ne v-rins me vouté po Napoléon,
Mâs is se sont vu au diale dindon.
Lè Prouvidence n’é sécoru,
J’èvans tortu vouté por lu.
Nié fat in tamp èxtraourdinare,
Jé n’ ètandis me béne au contrare ;
D’éte rèchaufié pè in bé selo,
Come nian fau inq aus èskèrgots ;
Mâs, zous autes lo reouatiins de trèvé,
Ço bé tamp lè, ç’oteu nové ;
D’an veur in pèroille dans éne peute sahon,
Qu’on ne oué jèma qué dés glièssons.