comme dict Michee le Prophete, aux Roys de Iuda and de Samarie, and Dieu parle à Sathan en l'assemblee des Anges, cõme il est dict en Iob9, Ce que tous les Hebrieux interpretent du ministere des creatures, desquelles il se sert en toutes choses. Qui est pour monstrer que toute la nature est disposee à vanger l'iniure faite à Dieu, and que toute creature and mesmement tous esprits Anges and Dæmons, sont armez pour executer promptement sa volonté: and qu'il n'y a Dæmon qui puisse rien sans la permission d'iceluy, qui est la cause pourquoy au Psalme 103. and 104. Le lion rugissant and les bestes nocturnes, qui sont les malins esprits, suyuãt leur chef demandent à Dieu leur gibier qui sont les meschans. Nous auons dict cy dessus, comme il ne parle aux hommes ordinairement que par ses Anges, aussi ne faict il rien aux choses corporelles, que par les corps celestes, vsant de sa puissance ordinaire, ou immediatement vsant de puissance extraordinaire: Ce qui est assez monstré en la vision de Zacharie,1 des sept lumieres du chandelier, (ce qui a depuis esté translaté au liure de l'Apocalypse) and que l'Ange interprete au mesme lieu les sept yeux par lesquels Dieu void, and les Anges qui versent de l'huyle de deux oliues à la dextre de Dieu: que tous les Hebrieux interpretent les sept planettes, ausquelles la vertu diuine est infuse, pour departir en tout ce monde. Et par ainsi de s'enquerir de la vertu des lumieres celestes, pourueu qu'on n'excede les causes naturelles, il est, and a tousiours esté licite, and en cela gist -notes- 9Iob.cap. 1. 1Cap. 4. Page 115
