ce que dict Dioscoride liure V. chapitre XV. que la pierre Memphitique puluerisee, and beuë auec du vin and de l'eau, rend la personne stupide du tout. Nous auons dict que les predictions diuines, ou propheties ne viennent ny par nature, ny par la volonté des hommes, ains par inspiration de Dieu nuëment, and sans moyen, ou par le moyen des Anges, and que les predictions naturelles se font par la cognoissance des causes preallables aux effects: and les moyens naturels de paruenir à quelque chose, se faict par voye ordinaire des causes à leurs effects. Or les predictions humaines, iaçoit qu'elles dependent aucunement de la nature des choses, toutesfois on les peut appeller humaines, d'autant qu'elles ne sont pas tousiours certaines, comme la nature, ny tousiours incertaines, soit pour l'ignorance des causes, soit pour l'imbecillité de l'esprit humain, and chacun en son estat par l'experience faict des predictions. L'homme Politique voyant que les meschancetez demeurent sans peine, and les vertus sans loyer en vne Republique, predira la ruine d'icelle: Mais d'autant que cela ne depend point des causes naturelles, and que ceste prediction ne luy est point specialement declaree de Dieu, on peut l'appeller humaine, and qui est licite: mais il ne faut pas l'asseurer pour certaine and indubitable: car ce seroit entreprendre sur le conseil de Dieu, qui maintient souuent vne ville contre toute la puissance humaine, par les v uz, and prieres des gens de bien: comme il se void en la requeste que fist Abraham à Dieu, deuant que d'ab y smer Sodome and Gomorrhe. Et en l'Ecclesiaste Page 135
