le peuple adore tres-deuotement and religieusement luy offrant de grands dons comme les marchans ordinaires raportent en l'histoire des Espaignols: comme aussi faisoient les anciens Payens, ils ne sont non plus Sorciers, que ceux qui adoroient le Soleil, and la Lune, and autres creatures: Bien peut on dire qu'ils estoient idolatres. De s'enquerir si Dieu à pour aggreable leur bonne conscience, i'en laisse le iugement à Dieu: car c'est trop entreprendre sur les secrets de Dieu, comme ceux qui ont aussi bien damné de damnation eternelle Socrate, Pocion, Aristide le Iuste, comme les plus detestables Sorciers, and tous à mesme peine. La loy1 de Dieu dict qu'il faut decerner la peine, eu esgard à la grauité du forfaict. Mais entre les Payens, ceux qui sçauoient la difference des bons and malins esprits, and faisoient non seulement sacrifices de leurs enfans, ains aussi commettoient paillardises, and Sodomies, and autres ordures abominables, and contre la droicte raison naturelle que Dieu a grauee en nos ames, pour paruenir à leurs desseins, estoient non seulement idolatres, ains aussi Sorciers: Et tous les Philosophes and Legislateurs ont condamné ces hommes là. C'est pourquoy Dieu dist à son peuple 8 qu'il a arraché de la terre les Amorrheans, and autres peuples qui s'addonnoient à telles sorceleries: Et que par arrest du Senat Romain les Bacchanales, pour les sorceleries, paillardises and homicides execrables qui s'y commettoient la nuict, furent bannies de Rome, and de toute l'Italie. Or sathan faict tout ce qu'il peut pour asseruir les hommes, and les retirer de l'adoration du vray -notes- 1Dent.15. 8Deut. 18. Page 200
