dormir aux sepulchres, pour sçauoir la verité des ames qui se voyent aux sepulchres, and pour mesme cause se faisoient les sacrifices, qu'on appelloit silicernia quia silentes manes viderent sacrificium illud, qui estoit le festin qu'on faisoit aux morts: and aussi pour les appaiser: ce qu'on faisoit par deuotion, and non pas par Necromantie qui portoit inuocation and protestation par celuy qui coniuroit que iamais plus il n'appelleroit l'ame, and qui ne luy troubleroit plus son repos: comme on voit en Lucan que la sorciere Erycte voulant sçauoir par Necromantie si Pompee seroit victorieux elle fist telle protestation: and Saul voulant sçauoir l'issue de la derniere bataille, qu'il eut contre les Philistins demanda l'aduis de la Sorciere d'Endor, qui euoqua l'armee de Samuel, ou l'image de Samuel, qu'elle seule voyoit, and Saul n'en voyoit rien. Samuel luy demanda pourquoy il troubloit son repos, puisque Dieu l'auoit laissé, and qu'il estoit son ennenry, and qu'il auoit donné le Royaume à Dauid, and pour n'auoir obey à la parole de Dieu, and que luy and ses enfans seroient le iour suyuant auec luy. Ie sçay bien que quelques Theologiens tiennent que c'estoit le Diable, and non pas Samuel: mais grande partie tient le contraire, and le texte de l'Ecclesiastique chapitre quarante six, y est formel, où il est dict entre les louangesde Samuel, qu'il a prophetizé apres sa mort, predisant la mort du Roy, and la victoire des Philistins. Iustin Martyr est aussi de mesme aduis, and le Rabin Sædias, and Haias, and presque tous les Hebrieux: Ioinct aussi qu'il faict à noter, que la response faicte à Saul Page 204
