tiree, and immobile on ne peut parler, and moins encores par les parties honteuses: and ne peuuent dire aussi que la Melancholie apprenne à parler Grec, Hebrieu, Latin à vne femme, qui n'a iamais rien appris, ce qui se voit en celles qui sont assiegees des malings esprits. Et à ce propos Fernel le premier homme de son aage en Medecine, escrit au seisiesme chapitre de Abditis rerum causis, qu'il a veu vn ieune garçon ignorant, and furieux, lequel neantmoins parloit Grec: Il dit alors, qu'il estoit possedé du malin esprit: Il se trouua bien vn ieune Bachelier en medecine, qui disoit que la melãcholie pouuoit bien apprendre à parler Grec, Hebrieu, ou autres langues, and l'osa bien dire en Paris: mais il fut siflé auec vne longue risee de toute l'assemblee. Il y en a aussi qui sõt liees du diable, and qu'il est impossible de delier, ains il faut rompre ou couper le lie (02) . Et de faict il y a vne femme au Mesnil madame Rosse, pres Dammartin, la quelle commença des l'aage de huit ans d'estre liee du malin esprit qui l'attaschoit quelquesfois à vn arbre, tantost au pied du lict, tantost à la creiche de l'estable, ou bien luy attachoit les deux mains l'vne sur l'autre auec vne corde ou auec vn ozier ou de la queuë d'vn cheual, ou de la fillasse: and cela ce faisoit si soudain, qu'il estoit plustost fait, qu'õ n'auoit ietté les yeux pour voir, comme il se faisoit. La fille fut menee à Paris l'an 1552. Le Docteur Picard, and autres Theologiens la virent, and firent tout ce qu'ils sçauoie (02) t pour sa deliurance: mais ils n'y profiterent de rien. Puis Houllier medecin se mocquant des Theologie (02) s disoit au commencement, que c'estoit vne maladie Page 218
