and forme vniuerselle resultant des formes particulieres des humeurs, and autres parties du corps humain: qui est vne incongruité bien lourde, de composer la forme de l'homme, que tous Philosophes confessent estre pure and simple de plusieurs formes. Et quand à l'Ectase, ils disent que c'est vn sommeil melancholic, par lequel les forces de l'ame sont enseuelies, en sorte qu'il semble que l'homme soit mort. Mais c'est chose ridicule, attendu qu'il y a plus de Sorciers en Noruege, and Liuonie and autres parties Septentrionales, qu'il n'y a en tout le reste du monde, comme dict Olaus le grand: and semble que ce qui est dict de Sathan en Iesaye, Ie monteray sur l'Aquilon, and seray semblable à Dieu, se peut raporter à la puissance que Sathan a principalement sur les peuples de Septentrion, qui sont fort diffamez des Demõs and Sorciers, comme en cas pareil par toute l'Escriture Sainte nous lisons que d'Aquilon1 viendra tout mal. Neantmoins ce peuple là tient moins de la melancholie, que peuple qui soit souz le Ciel, car ils sont tous blons generalement, ou de poil de vache. Il faut donc que ceux la confessent leur ignorance. Car Plutarque escrit d'vn nommé Soleus, and Pline d'vn Hermotime Clazomenien, and Herodote d'vn Philosophe de Proconese Atheiste, qu'ils estoient si bien rauis en ectase, que leurs corps demeuroient pour mortz, and insensibles. De sorte que les ennemis de Hermotime2 trouuant son corps ainsi pasmé, le tuerent and bruslerent: Hierome Cardan a laissé par3 escrit qu'il estoit par ecstase rauy hors du corps quand il vouloit, sans qu'il demeurast aucun -notes- 1Sapientiæ. 2. Esayæ cap. 14. 41. 49. Hieremiæ. ca.3.4. 6.13.15.23.25. 46. 47. 50. 51.Ezechiel8. 48. Daniel 11.Zach. c.2. 2Lib. cap.52. 3In sua Genesi. Page 252
