and fut aussi bruslee. I'ay bien voulu aduertir le Lecteur de ceste cruauté, and idololatrie, qui m'a semblé la plus detestable, dont iamais i'ay ouy parler, à fin qu'on prenne garde de pres à celles qui reçoiuent les enfans. Quant à manger la chair humaine, celà est trescertain, and de toute antiquité les Sorcieres en estoient si friandes, qu'il estoit quasi impossibles de garder les corps morts4, ny les enfermer si bien qu'elle ny entrassent pour les ronger iusques aux os. Et au chapitre LXVII. des Loix Saliques il est dict, que si la Sorciere à mangé vn homme, and qu'elle soit conuaincue (02) , elle payera deux cens soldes. Nous lisons en Philostratus Lemnien, que Apollonius Thyaneus descouurit, and chassa de Corinthe vne Lamie, qui viuoit ainsi de chair humaine. C'est pourquoy Horace pour vne chose trescruelle dict, Neu pransæ Lamiæ puerum viuum extrahat aluo: and neantmoins celà estoit ordinaire aux Sorcieres de se nourrir de telle viande. Nous lisons aussi en Ammian Marcelin liure XXIX. que Pollentian Tribun fut conuaincu d'auoir ouuert vne femme enceinte pour sçauoit de son enfant, qui deuoit estre Empereur. Tous lesquels passages confirment ce que nous voyons és procez de nostre temps. Et plusieurs Sorcieres ont opinion, que les Demons leur font commettre telles cruautez, pour estre ainsi rauies en esprit ou en corps, ainsi qu'elles voudroit. Et sans aller si loin, Rondelet Medecin de grand sçauoir, and reputation, agueta vne nuict vn Sorcier à Mont-pellier qui ne bougeoit autour des sepulchres, lequel alla au sepulchre, ou l'on auoit le iour -notes- 4Apuleius lib. 1. Asini. Book 2 - Chapter 6 Page 259
