peut estre vne illusion) il fist venir ses b ufs, charrettes, and seruiteurs en plein Senat, disant qu'il n'auoit point d'autres charmes, and fut absous, comme dit Tite Liue. Mais nous lisons que Hoppo, and Stadlin, les plus grands Sorciers d'Allemaigne se vantoient de faire venir d'vn champ en l'autre la tierce partie des fruicts, comme escrit Spranger: Et neãtmoins par tous les proces, il se trouue, que iamais Sorcier n'enrichit d'vn double de son mestier, comme nous dirons tãtost. Nous lisons aussi en Pontanus vne histoire memorable au li. 5. que les François se voyans assiegés des Espagnols en la ville de Suesse, au royaume de Naples, lors que tout brusloit de secheresse, and de chaleur, and que les Frãçois estoient reduits à l'extremité par faute d'eau douce, il se trouua là plusieurs Pre stres Sorciers, qui trainerent le Crucifix par les rues la nuict, luy disant mille iniures and blasphemes, and le ietterent en la mer, puis ils baillerent vne hostie consacree à vn Asne qu'ils enterrerent tout vif sous la porte de l'Eglise, and apres quelques charmes, and blasphemes detestables, qu'il n'est besoin de sçauoir, il tomba vne pluye si violente, qu'il sembloit vn vray deluge: par ce moyen l'Espagnol quitta le siege: lors on dict, Flectere si nequeo superos, Acheronta mouebo. Ceste coustume de trainer les crucifix and images en la riuiere pour auoir la pluye se pratique encores en Gascogne, ce que i'ay veu faire à Thoulouse en plein iour par les petits enfans deuant tout le peuple, qui appellent cela la tiremasse: and se trouua quelqu'vn qui ierta plusieurs images dedãs le puis du Salin, l'an 1557. lors la pluye tõba Page 300
en abondance, qui est vne signalee meschanceté
