que Sathan leur auoit enseignez. Et Georges Agricola au liure qu'il a faict des Esprits subterrains, escrit que à Aneberg en la mine nommee Couronne de rose, vn esprit en forme de cheual tua douze hommes: tellement qu'il fit quitter la mine pleine d'argent que les Sorciers auoient trouué à l'ayde de Sathan. l'ay apprins aussi d'vn Lyonnois qui depuis fut Chapellain de l'Eglise nostre Dame de Paris, que luy auec ses com paignons auoient descouuert par Magie vn tresor à Arcueil pres de Paris: mais voulant auoir le coffre où il estoit, qu'il fut emporté par vn tourbillon, and qu'il tomba sur luy vn pan de muraille, dont il est, and sera toute sa vie boiteux. Et n'y à pas long temps qu'vn Prestre, de Noremberg ayant trouué vn tresor à l'ayde de Sathan, and sur le poinct d'ouurir le coffre fut accablé de la ruine de la maison. Ce n'est pas chose nouuelle de chercher les tresors par Sorcelleries: car mesmes la Loy dict, que les tresors n'appartiennent pas à ceux, qui puniendis sacrificiis, aut alia quauis arte prohibita scrutantur.G1 Ce sont les termes de la Loy: Et defend pour mesme cause d'obtenir lettres and permission du Prince pour fouïr en la terre d'autruy. I'ay sçeu aussi d'vn practicien de Lyon, que ie ne nommeray poinct, combien qu'il le contoit tout haut en bonne compagnie, que ayant esté auec ses compaignons la nuict pour coniurer and chercher vn tresor, comme ils auoicnt commencé de fouïr en tcrre, ils ouyrent la voix comme d'vn homme, qui estoit sur la rouë pres du lieu où ils cherchoient, criant espouuentablement, Aux larrons: Ce qui le mit en -notes- G1L. vnica de thesau. C. Page 352
