and fut guery. On void que cest imposteur s'appelloit Sauueur, qui est vn blasphemopour oster la fiãce qu'õ doit auoir en Dieu, qui n'est pas moins abominable que s'il inuoquoit Sathan. Or Dieu parlant en Iesaye, Ie suis, dit il, le grand Dieu Eternel qui enuoye la vie and la mort, la santé and la maladie: and n'y a poinct de salut sinon en moy seul. Au mesmes temps que i'escriuois ce liure M. Charles Martin, Preuost de la Cité de Laon aduerty qu'il y auoit vne pauure femme ensorcelee par vne sa voisine en Vaux, qui est au faubourg de Laon ayãt pitié de ceste pauure femme ensorcelee, menassa la Sorciere de la faire mourir, si elle ne guerissoit la maladie de sa voisine. Elle craignãt, promist de la guerir. Et de faict elle se mist au pied du lict, la face contre terreioingnant les mains, and appellant le grãd diable à haute voix, reitera plusieurs fois ses prieres, marmotrãt quelques paroles incognues: puis elle bailla vn morceau de pain à celle qui estoit malade, qui cõ mencea à guerir. Cela faict le Preuost s'en retourna en sa maison auec resolution de la faire pre (02) dre and brusler tost apres. Mais depuis elle n'a esté veuë par deça. On void euidemment que la malade n'a pas moins inuoqué, ny moins adoré le diable que la Sorcire. Or il vaut mille fois mieux mourir que d'essayer vn remede si detestable qui guerit le corps, and tué l'ame. Encores void on la cõtenãce de la Sorciere mettãt la face cõtre terre, qui est la façon que les ancie (02) s Prophetes Moyse. Iosué, Elie, auoient quand ils vouloient appaiser l'ire de Dieu. Mais outre cela, les plus detestables Sorcieres, font des fossettes, mettans la face dedãs pour testifier Page 383
que l'inuocation se
