Il ne dict pas que l'anneau portast vn Diamant: car il s'en est trouué de ceste opinion, qui ont dict que ceste force est au Diamant, qu'il garentist des songes friuoles and des malings esprits, comme dict vn Poëte sans renom, Et noctis lemures, and somnia vana repellit. Mais ils ne disent point quelle sorte de Diamant. Car il y en a six fort differens7, and la sixiesme espece est le Diamant Arabic, qui vient à gros tas és monts Pyrenees, and qu'on foule aux pieds, en sorte que le quintal ne couste que trois Escus sur les lieux: Il est figuré and poly par nature d'vne beauté que tous les artisans ne sçauroient si bien contrefaire à six costes esgaux, and les deux bouts en poincte, and forme conoide: and s'en trouue de plusieurs couleurs. Les anciens tenoient aussi que les Diables craignent fort les tranchans des espees, and glaiues, and mesmes Platon, and plusieurs autres Academiciens sont de cest aduis, que les esprits souffrent diuision. Et me souuient que l'an mil cinq cens cinquante and sept, vn malin Esprit foudroyãt à Thoulouze tomba auec le tonnerre dedans la maison de Poudot Courdouannier, demeurant pres du Salin, qui iettoit des pierres de tous costez de la chambre: on ramassoit les pierres en si grand nombre, qu'on en remplist vn grand coffre, que la maistresse fermoit à clef, fermant portes and fenestres. Et neantmoins l'esprit apportoit soudain d'autres pierres, and toutesfois sans faire mal à personne. Latomy, qui estoit lors quart President, fut voir que c'estoit: aussi tost l'esprit luy fist voler son bonnet d'vne pierre, and le hasta bien de fuir. Il y auoit esté six iours quand M. Iean Morges -notes- 7Plin. lib.33. Page 404
Conseiller du Presidial
