prophetiza: and mesmes Samuel ayant consacré Saül, Va dit-il, en tel lieu où tu trouueras vne troupe de Prophetes qui desce (02) dent de la montaigne, and qui sonnent des instrumens. Alors l'esprit de Dieu te saisira. Si tost que Saül eust approché des Prophetes qui sonnoient leurs instrumens, l'esprit de Dieu le saisit, and se trouua tout changé: combien qu'il est à croire que l'esprit de Dieu, duquel la trouppe des Prophetes estoit remplie, non seulement embraza Saül de l'esprit diuin, ains aussi chassoit les malings esprits de tous costez: comme de faict Saül estant laissé de Dieu, and de son Ange, fut saisy du maling esprit: and comme il auoit resolu tuer Dauid, il enuoya par deux fois des meurtriers pour l'assassiner en compagnie de Samuel, mais si tost qu'ils auoient approché, ils estoient saisis de l'esprit de Dieu, and au lieu de tuer Dauid ils benissoient and louoyent Dieu. Dequoy Saül aduerty y vint en personne, soudain il se trouua tout changé, prophetizant and louant Dieu. Car les anciens Hebrieux ont remarqué pour vne demonstration trescertaine and indubitable, qu'il n'y a rien plus aggreable à Dieu, que sa louange chantee d'vn c ur entier and ioyeux, comme il est dict au Psalme XXXIII. Louange est tres-seante and belle, En la bouche de l'homme droict, and c. Aussi n'y a il rien qui plustost chasse les malings esprits, and les force de sortir: mais c'est la louange du Createur and non pas des creatures. Comment donc, dira quelqu'vn, est-il possible que le Sorcier Apollonius Page 407
chassast les Demons, and
