DE L'INQVISITION DES SORCIERS. LIVRE QV ATRIESME. CHAPITRE PREMIER. Novs auons parlé des moyens de chasser les malings esprits: mais pour neant on les chasseroit si les Sorciers les rappellent. Car tousiours Sathan est aux escoutes pour venir quand on l'appelle: and bien souuent sans qu'on l'appelle. Nous auons declaré les moyens doux and medecines aysees à prendre qui est d'instruire le peuple en la Loy de Dieu, and de l'induire à son seruice. Et si tout cela ne peut retenir les meschans en la crainte de Dieu, ny destourner les Sorciers de leur vie detestable, il y faut äppliquer les cauteres and fers chaux, and couper les parties putrifiees: combien que à dire verité quelque punition qu'on ordonne contre eux à rostir, and brusler les Sorciers à petit feu, si est-ce que ceste peine là n'est pas à beaucoup pres si grande que celle que Sathan leur faict souffrir en ce monde, sans parler des peines eternelles qui leur sont preparees, car le feu ne peut durer vne heure voire demie, que les Sorciers ne soyent morts. Mais de tous les pechez Page 419
