auoir payé, n'y referer le serment, qu'il pouuoit auoir oublié s'il auoit payé ou non: and ne sçauoir s'il auoit la quittance: Mais il ne faut pas prendre pour vne presomption de droict les esblouissements des yeux que font les Sorciers, and les miracles contre nature: car la Loy de Dieu met ceste preuue pour certaine and indubitable, (Tu ne laisseras point viure celle qui charme les yeux) chose dont elles ne se cachent point. Car la Loy de Dieu tient pour tout certain and indubitable, que tous ceux là qui charment, ont paction auec Sathan: faisans choses contre le cours de nature. Si donc pour venir aux presomptions des Sorciers, on trouue les enfans tuez en la main de la mere, encores qu'il n'y eust autre qu'elle à la maison, il ne faut pas presumer qu'elle ait cõmis le parricide, attendu que la presomption de tout le droict5 est au contraire, and sera absoulte, s'il n'y à preuue bien euidente, par laquelle elle soit conueincue du parricide: Mais si elle à le bruict d'estre Sorciere, il est à presumer qu'elle est parricide de ses propres enfans, si elle n'est iustifiee par preuues au contraire. Il est aduenu à C uures le deuxiesme iour de Feurier, mil cinq cens septante and sept, que Catherine Daree couppa la gorge à deux filles: l'vne qui estoit sienne, l'autre à sa voysine, and si n'estoit diffamee d'estre Sorciere: mais elle confessa que le Diable en guise d'vn homme haut and fort noir, luy auoit faict faire, and fut bruslee, car elle ne voulut appeller, quoy que le Bailly de C uures luy remonstrast qu'elle pouuoit appeller: elle dist qu'elle auoit bien merité. En cas pareil, Gilles Mareschal de -notes- 5l. vlt.princ. de cur.furies. l.pen.§.de vne de ritu nu. Lere ationib.de Episcepali authentia l. humanitatis, de impuberu (05) and aliis substitutio. C. Page 467
