cõbien que les anciens tenoient, qu'íl y en auoit de bõs, les autres mauuais, les autres neutres. Et Psellus entre les Chrestiens, Plotin entre les Academiques, Iamblique entre les Ægyptiens, mettent trois differe (02) ces, and constituent generalement tous les Dæmons en six lieux: à sçauoir, au ciel, en la haute region de l'air, en la moyenne region, és eaux, en terre, and soubs terre. Toutesfois nous suiuirons la resolution des Theologiens, c'est à sçauoir que tous Dæmons sont malins. Aussi est-il incompatible de mettre vne neutralité en la nature intelligible: veu mesmes que les an ciens n'ont iamais eu que ces deux epithetes des Dæmõs, à sçauoir [Greek omitted]. Ce point resolu touchant l'origine, nature, and qualité des Diables, ou Dæmons, nous achemine au premier poinct de nostre definition, pour entendre les actions des Diables and moyens Diaboliques, desquels ils vsent pour ruiner les hommes lequel poinct presuppose aussi societé, and alliance, auec les Dæmons. Disons donc, s'il est possible que telle societé se face. De l'Association des Esprits auec les hommes. CHAP. II. LASOCIETE', and alliance ne peut estre, sinon entre choses semblables, ou qui ont quelque similitude ou accord l'vne à l'autre: tout ainsi que les mousches à miel s'associent ensemble, pour la similitude qu'elles ont, and pour tirer profit de la societé mutuelle: ainsi les formis, and autres animaux sociables. Mais entre les loups, Page 65
