tels parricides, car elles disent que la gresse d'vn petit enfant mort naturellement n'y est pas bonne, and pour le monstrer on void, comme i'ay dict, quarante and vn enfant tuez par vne Sorciere, and deuant que d'estre baptisez, and apres les auoir presentez à Sathan. Et neantmoins Wier, qui faict semblant de ne eroirerien des choses qu'il sçait aussi bien que son maistre Agrippa, a bien osé escrire, and faire semblant de suyure l'opiniõ de Baptista Porta Italien, le louant bien fort, lequel neantmoins escrit que les Sorcieres luy ont confessé qu'elles font l'onguent dés petits enfans bouillis, and consommez, y mettant plusieurs drogues, qu'il n'est besoin d'escrire qui est en bons termes, enseigner à cõmettre tels parricides, sous vne fausse persuasion diabolique, que tel vnguent a la vertu de faire voler les personnes. Or les Sorcieres de France ne sont pas plus agiles, ny plus legeres, que celles d'Allemaigne, and d'Italie, and neantmoins la pluspart, comme ceux du Mãs, and celle de Verbery, and de Longny en Potez que i'ay remarqué cy dessus, ne mettoient qu'vn ramon ou balet entre les iambes en disant quelques paroles, and soudain estoient transportees en l'air: and Raul Grilland dict que plusieurs de celles quil'a veu executer en Italie, confessoient, qu'il se presentoit vn bouc à la porte, sur lequel elles montoient pour estre transportees, sans gresse ny onction quelconque. On voit que l'Italien Baptiste en son liure de la Magie, c'est à dire Sorcellerio, and Wier s'efforcent de faire entendre que c'est vn vnguent à force naturelle, and soporatiue, à fin qu'on en face experience. Car les herbes soporatiues Page 557
