de bon, il en ſera meilleur lors qu’on ne l’aura point attendu, & le retardement ne degouſtera perſonne. Pour moy ie me trouue ſi bien icy, que ie ne penſe pas en partir de long-temps. Ie vous prie de m’aimer, comme ie croy que vous faites, & de me croire comme 5 ie ſuis…
Lettre probablement écrite de Franeker, sur papier vergé, grand format, portant un cachet de cire rouge, brisé, aux initiales R. C. — Elle a été publiée (Œuvres inédites de Descartes, t. II, 1860, p. 1-3) par Foucher de Careil qui a lu Oslier comme nom du destinataire ; sa conjecture « Bérulle » (p. 239) n’est pas plus heureuse.
Monſieur & Reuerend Pere,
L’honneur que vous me faites de vous ſouuenir de moy m’oblige beaucoup plus, que ne vault tout le ſeruice que i’aurois pû rendre a Monſieur le Reuerend Pere de Sancy, ſi i’auois eſté aſſés hureus pour ſcauoir pluſtoſt qu’il auoit vn’affaire au Parlemant de Rennes. 5 Mais ſans doute elle ſera terminee auant que vous receuiés celle cy, puiſqu’il y eſt allé ſi fort en diligence, car voicy la fin du ſemeſtre. Toutefois ſi par hazard il eſtoit remis au ſuiuant, ie vous enuoye vne lettre pour mon Pere ; i’en penſois eſcrire encore a 10
