autre qui garde la meſme inclination, par le moyen d’vn petit modele de cuiure Z ou Z Z, qui ſoit taillé ſelon l’angle de l’inclination, comme Z, ou bien ſelon ſon complement, comme Z Z. Car vous deuez remarquer 5 qu’il n’eſt pas neceſſaire que toute la ligne C D garde cette inclination. Ie vous auois tracé les lignes A B & C D toutes nuës, comme des lignes mathematiques, pour vous faire mieux comprendre les fondemens de la machine ; mais vous les pouuez faire tout 10 d’vne piece, ou comme vous voudrez, pourueu ſeulement que la partie qui doit eſtre taillée en | lime, à ſçauoir L D, garde l’inclination requiſe. Encore que ie ſois fort mauuais peintre, vous entendrez peut-eſtre bien mes figures.
15 La premiere eſt pour le verre concaue, où la piece C L Y D tourne ſur les deux poles A & B ; la ligne V X marque la planche que vous auez tracée dans voſtre lettre, laquelle doit eſtre parallele à l’axe A B, & percée en ſorte que Y D paſſe par deſſous ; la ligne 20 L D eſt ce qui doit eſtre taillé en lime, pour tailler les lames N M ; et cette ligne L D doit eſtre affermie aux points L & D, ainſi qu’il vous ſera plus commode, ou par des vis, ou autrement. Au reſte vous donnerez à L D l’inclination requiſe par le moyen de voſtre 25 triangle Z Z, vn coſté duquel vous appliquerez ſur | la ligne V X, au lieu où eſt N M, en forte que l’autre ſe rapporte iuſtement contre L D. Vous ferez le meſme auec le triangle Z pour le verre conuexe, où il n’y a de difference que pour la grandeur de la machine, 30 laquelle ſe meſure par la diſtance qui eſt entre les lignes A B & V X. Laquelle machine, pour le petit
