5 34 Correspondance.
» l'vn et l'aultre, en attendant le premier voyage, car c'est auec beaucoup » de contrariété que i'ay escrit la présente. »
[Adresse:] o A Monsieur
« Monsieur et Reuerend Père le
» Reuerend Père Mersenne, religieux
» de l'ordre des Reuerends Pères Minimes
» en leur conuent près la place Royale,
» A Paris. »
« Port payé. »
F. — Debeaune à Mersenne. 5 Mars lôBg.
« Monsieur et Reuerend Père,
« le croy que vous aués maintenant receu ma dernière, qui vous aura » mis hors de peyne touchant la réception des vostres et des papiers de » M' Des Cartes", et par laquelle vous aurés sceu mon indisposition des » gouttes, qui, m'ayant tenu enuiron de huict iours au lict, m'a empesché » de vous escrire plus tost. »
« le vous enuoyeray dimanche prochain tout ce que i'ay de M Des j> Cartes, car le n'ay encores osé, ceste sepmaine, m'employer dans le » trauail, pour estre trop foible, sinon pour lire. »
« Pour response aux vostres, ie vous diray que ie ne pense pas qu'on » puisse acquérir aulcune cognoissance solide de la nature en physique » sans la géométrie, et le plus excellent de la géométrie consiste en l'ana- » lyse, en sorte que, sans cela, elle est fort imparfaicte. C'est ce qui m'a » obligé de vous la conseiller, et de m'offrir d'y contribuer ce que ie pour- » rois, pour m'acquicter, en ce que ie pourrois, des extrêmes obligations » que ie vous ay. »
« Pour mes lignes, ie ne prétends pas, par leur moyen, prouuer qu'il » fault vn poids quadruple pour mettre vne chorde a l'octaue, car, de » cela, i'ay démonstration nette et euidente, comme de plusieurs aultres » questions que vous m'aués proposées. Mais l'en ay besoin pour prouuer, » premièrement, qu'vn corps graue suspendu faict ses branlemens par les » petits arcs en mesme temps que par les grands, et, de mesme, que la » chorde de luth, ou semblable, tendue, faict ses branlemens en temps j> égaux, quand ilz sont grands et quand ilz sont petits. Car, encores » que ces choses se puissent expérimenter, et, pour les chordes de luth, » qu'il soit assés euident, de ce que leur son C3t a mesme ton, et lorsque » leurs émotions sont grandes et lorsqu'elles sont petites, neantmoins
a. Ceux de sa dispute avec Fermât sur les tangentes. Voir, en effet, t. II, p. 526, 1. 7.
�� �
