Et que vos blancs pieds de Thetis
Fussent si gresles et petis.
Puce, quand vous estiez pucelle,
Gentille, sage, douce et belle,
Vous mouvant d’un pied si leger,
A sauter et à voltiger,
Que vous eussiez peu d’Atalante
Devancer la course trop lente,
Pan, voyant voz perfections,
Sentit un feu d’affections,
Desirant vostre mariage.
Mais quoy ? vostre vierge courage
Aima mieux vous faire changer
En Puce, afin de l’etranger,
Et que, perdant toute esperance,
Il rompit sa perseverance.
Diane sçeut vostre souhait ;
Vous le voulustes, il fut fait :
Elle voila vostre figure
Sous une noire couverture.
Depuis, fuyant tousjours ce Dieu,
Petite vous cherchez un lieu
Qui vous serve de sauvegarde,
Et craignez que Pan vous regarde.
Bien souvent la timidité
Page:Desroches - La Puce de Mme Desroches, éd. Jouaust, 1868.djvu/38
Le texte de cette page a été corrigé et est conforme au fac-similé.
