sa bone mere e sa sorur,
ki mult l’aveient desiré.
Ensemble od els a sujurné,
75 ceo m’est a vis, un meis entier.
Talenz li prist d’aler chacier.
La nuit somunt ses chevaliers,
ses veneürs e ses berniers.
Al matin vait en la forest ;
80 kar cil deduiz forment li plest.
A un grant cerf sunt aruté,
e li chien furent descuplé.
Li veneür current devant ;
li dameisels se vait tarjant.
85 Sun arc li portot uns vaslez,
sun hansac e sun berserez.
Traire voleit, se mes eüst,
ainz que d’iluec se remeüst.
En l’espeisse d’un grant buissun
90 vit une bisse od sun foün.
Tute fu blanche cele beste ;
perches de cerf out en la teste.
Pur l’abai del brachet sailli.
Il tent sun arc, si trait a li.
95 En l’esclot la feri devant ;
ele chaï demeintenant.
La saiete resort ariere :
74 eus ad — 76 Talent — 80 cel deduit — 83 curent deuaunt — 84 damaisels ; targaunt — 85 un uallez — 86 ansac — 87 si — 88 ke — 89 espeise — 90 bise — 91 blaunche — 95 deuaunt — 96 demeintenaunt — 97 seete, SP saiete