tels est la mesure d’amer
20 que nuls n’i deit raisun guarder.
Equitan ot un seneschal,
bon chevalier, pru e leial.
Tute sa terre li guardout
e meinteneit e justisout.
25 Ja, se pur osteier ne fust,
pur nul busuin ki li creüst
li reis ne laissast sun chacier,
sun deduire, sun riveier.
Femme espuse ot li seneschals,
30 dunt puis vint el païs granz mals.
La dame ert bele durement
e de mult bon afaitement.
Gent cors out e bele faiture.
En li former uvra nature.
35 Les uiz out vairs e bel le vis,
bele buche, nes bien asis,
les chevels blunz e reluisanz.
Curteise fu e bien parlanz.
Sa face aveit colur de rose.
40 Qu’en direie jeo altre chose ?
El reialme n’aveit sa per.
Li reis l’oï sovent loer.
Soventes feiz la salua ;
de ses aveirs li enveia.
45 Senz veüe la coveita,
e cum ainz pot, a li parla.
19 de amer — 20 nul ; reisun garder — 22 cheualer ; H pruz, S preu ; leal — 23 tere ; gardoit — 24 iustisoit — 25 H ostier, S ostoier — 30 uient ; grant mal — 32 mut ; affeitement — 35 oilz ; ueirs — 36 neis ben — 37 S cheueux blons — 38 S Cortoise — 39 S auoit color — 40 S diroie ie autre — 41 reaume — 43 H Souentefez, S Soueutes foiz — 45 Sanz
