son & de mortification ; qui s’occupent plus à contempler & imiter Iesvs-Christ crucifié, qu’à feüilleter beaucoup de Liures, & par consequent qui soient entierement destachez, de toutes sortes d’interests temporels, qui ne cherchent purement que la gloire de Dieu & le salut des ames. Le grand Saint Philippes de Nery disoit sur ce sujet, que s’il pouuoit rencontrer douze personnes desinteressez d’honneur, de biens, de santé, de reputation & d’ambition, il esperoit auec eux, de conuertir tout le monde. O qu’il y a peu de telles personnes, & qui ayent iamais apprehendé la valeur & dignité d’une ame, le prix infiny quelle a cousté à Iesvs-Christ, la grandeur de sa beauté, & des biens inestimables qu’elle possede lors qu’elle est en la grace de Dieu, l’estat mal-heureux où elle est reduite par un peché mor-
