tentifs, puis en particulier. Et en cas que les deux moyens precedens ne seruent de rien, & que nonobstant tout cela ils continuent, il les faut faire mettre à genoux & les menacer de le dire à leurs parens, les priuer de la recompense de la chose qu’on leur vouloit donner s’ils eussent esté modestes.
Il ne faut iamais permettre que les enfans se mocquent de la response de leur compagnon, que si cela arriuoit faudroit faire tous ses efforts pour empescher que cela n’arriuât plus, leur faisãt voir pour cét effect combien c’est vn grand mal, & que c’est le diable qui les pousse à cela de peur qu’ils ne profitent des instructions qu’on leur fait.
Il faut tacher d’estre modestement gay & gayement modeste sans pourtant rire, il faut aussi éuiter vne trop grande grauité : car encore qu’il faille estre serieux, si est-ce neantmoins qu’il faut tacher de ne l’estre pas trop.
Il faut s’abstenir de faire des inciuilitez & immodesties ausquelles on tombe souuent sans y penser, comme de porter la main ou nez, à la barbe sans necessité, & se joüer de ses mains ou
