Le texte de cette page a été corrigé et est conforme au fac-similé.
EPIGRAMMES
Sienne me croit cetui ci,
L’autre auſsi me cuidoit ſienne,
Et quiconque apres y vienne
Il cuidera tout ainſi.
A qui, a qui ſuis-ie donq ?
C’eſt ici, ſans doute aucune,
Le roiaume de fortune,
Que garder nul ne peut onq.
Quatrein de Niobé.
e viue que i’étoi’, les dieus
Me feirent pierre par enuie :
Or Praxitel, faiſant trop mieus,
De pierre m’a remiſe en vie.
Du latin de Morus.
Octe Docteur, touiours tu nous viens dire
La lettre occit, tu n’as que ce propos,
La lettre occit : tant le redire ?
Tu nous occis de ces deus mos :
Mais, quant à toi, tu as donné bon ordre,
Que nulle lettre occir onq’ ne te vint :
Lettres n’ont garde de te mordre,
Car te voir onq’ ne leur auint.
Si n’eſſe à tort que tu creins, teſte ſote,
D’en eſtre occis : bien t’en dois ſoucier :