souraineté de son brief cercle ou quant il a entre lui et la souraineté
meins de lxxxx [1] degrez à destre ou à sénestre ; et lors sera
el cercle de son auge amenuisiez de sa lumière, et sera mendres
ses movemenz de tant cum il sera plus el sourain leu de son
cercle.
» Melment et quant il est loing de la souraineté de son cercle brief et de son auge par lxxxx [2] degrez, lors est-il el milieu de la cengle [3], c’est de la méjane, de son brief cercle, et lors est d’ivel movement.
» Et quant il aura descendu de cèle souraineté jusqu’à tant qu’il vendra à la quantité de clxxx [4] degrez, lors sera diz descendenz del milieu del cercle de son auge, et lores est accreuz en lumière ; et de tant sera ses movemenz plus accreuz jusque à tant qu’il vendra en l’opposition de la souraineté de son auge.
» Et quant il sera el sourain degré de cel brief cercle et de son auge, lors n’aura-il nule adéquation el cercle devant dit.
» Et por ce est diz li planètes accreuz ou amenuisiez en lumière ; quar aucunes foiz est veuz li planètes petitz de cors, aucunes foiz granz, aucunes fois ivels de cors et de grandor ; et cèle grandor et cèle petitesce nos semble selon l’eBlognemcnt et l’aprochement qu’il a de la terre, quar li planètes en soi ne est plus granz ne plus petitz. Mes quant il est en la méjane cengle del cercle de son auge, lors sera ivels en grador et en lumière, et de tant cum il sera plus el milieu [de la cengle] de ce cercle, sera plus ivels. Et quand il montera et sera ascendenz del milieu de la devant-dite cengle, si sera amenuisiez en lumière, cum il sera el plus haut leu que il puet estre, et le plus long de la terre, et en la souraineté de son auge et de son brief cercle. Et quand il sera descendenz del milieu de la cengle de son auge, lors sera accreuz en lumière et en grandor. Et quant il sera en le opposition de son auge et de la souraineté de son brief cercle, lors sera accreu tant comme il porra en lumière et en grandor, de tant plus granz de lumière et de cors cum il sera plus près de la terre et cum il sera en la plus basse partie de son brief cercle.
» Or dient aucun que li III planète desus sunt dit accreu ou amenuisié de lumière si cum l’en dit de la Lune ; quar quant li Solauz les passe jusque à tant qu’il lor vient en opposition, il sunt dit acceru en lumière ; et d’iluèques jusqu’à tant qu’ils sunt con-
1. Le texte porte lx.
2. Le texte porte lx.
3. Cengle = enceinte (cinffalas). Ici, cengle désigne la demie circonférence, comme l’expliquent les mots : C’eat de la méjane.
4. Le texte porte Icz xxx.
