Il6 FABLES D'ESOPE
Les rebailler, dont l'Aigle ne tint compte. Ceste Regnarde en sa colère monte, Et par courroux fut tellement faschée Qu'au pied de l'arbre ou l'Aigle estoit nichée Feit ung grand feu, et disoit la Regnarde : « Or, maintenant, de ce peril te garde, Toy et les tiens. » Le feu l'arbre environne, Dont l'Aigle a peur, se complainct et estonne Pour ses petitz, qu'elle ne peult saulver. Ne sçachant donc nul remède trouver, A la Regnarde elle requiert pardon Pour ses oyseaulx, qui sont en l'abandon Du feu ardent. Lecteur, icy je prens L'Aigle voilant pour les riches et grands, Et la Regnarde aussi pour les petitz, Dont les grandz sont souvent assubjectis : Car, quand onfaict aux pauvres quelque offence, Pour s* en venger trouvent bien leur defence.
�� �� �
