Cette page n’a pas encore été corrigée
A TRESHAULT ET TRESPUISSANT
PRINCE
MONSEIGNEUR HENRY
DAUPHIN DE VIENNOIS, DUC DE BRETAIGNE
ET PREMIER ENFANT DE FRANCE
GILLES GORROZET
Son humble serviteur,
SALUT.
Les grandz seigneurs, riches et oppulentz,
Pour se monstrer puissantz et excellentz,
Les fortz chasteaulx et palais ediffient.
Et à bastir telz lieux se gloriffient,
Pour la grandeur, pour la force et matière,
Pour la haulteur et la closture entière
Des bastimens, dont sont construction,
Où il n’y a rien d’imperfection.
Mais ceulx qui sont moindres et mecanicques,
Pauvres de biens, laboureurs et rusticques,
Font seulement petites maisonnettes,
Tugurions, cabanes et logettes
De pauvre estoffe et petite durée,
Selon qu’ilz ont leur force mesurée.